Hili linahuzunisha,
Hili linasikitisha,
Hili linaghadhabisha,
Tamaa linakatisha,
Nini kimesababisha?Maisha kuyasitisha,
KWAHERI PROFESA QORRO, MTETEZI WA KISWAHILI.
Kilio kwa familia,
Ni kilio Tanzania,
Pande nyingi za Dunia,
Somo liliwangia,
LOITASA ilipaa,
Mradi wako murua,
KWAHERI PROFESA QORRO, MTETEZI WA KISWAHILI.
Lugha ya kufundishia,
Wewe umeandikia,
Kiswahili kinafaa,
Sana umedadavua,
Ushahidi umetoa,
Japo wanapuuzia,
KWAHERI PROFESA QORRO, MTETEZI WA KISWAHILI.
Japo wajiondokea,
Ila we utabakia,
Mengi tutajisomea,
Uliyotuandikia,
Wewe tutakusikia,
Siku tutakufikia,
KWAHERI PROFESA QORRO, MTETEZI WA KISWAHILI.
Wazuoni nchini,
Na wa Afrika Kusini,
Desai sana poleni
Hata wa kule Japani,
Akiwemo Brock-Utne,
Tuna huzuni myoyoni,
KWAHERI PROFESA QORRO, MTETEZI WA KISWAHILI.
Nenda Mama yetu Qorro,
Tutakukumbuka Qorro,
Bado ‘takusoma Qorro,
Lala ‘mahli pema Qorro,
Baadaye ‘tonana Qorro,
Baibai Profu Qorro,
KWAHERI PROFESA QORRO, MTETEZI WA KISWAHILI.